Gjatë intervistës për gazetarin Milaim Zeka, botuesi i gazetës TemA, Mero Baze, tha se arrestimi i Erion Veliajt me masën e burgut paraprak është një vendim që ka gjasa të jetë shkaktuar nga komplekset që kanë drejtuesit e SPAK ndaj akuzave të Sali Berishës ndaj tyre.
Sipas Bazes, drejtuesit e SPAK po kërkojnë të krijojnë balancime politike, duke plotësuar kërkesat për arrestime, ndoshta për të shmangur sulmet politike.
Por edhe ndryshimet politike në SHBA po ashtu i kanë kompleksuar drejtuesit e SPAK, duke i bërë që të perceptojnë Berishën si kryeprokuror dhe veten si të akuzuar prej tij.
Metodat e SPAK dhe ndikimi politik i arrestimit të Veliajt
Më poshtë, Baze foli për sjellje jo korrekte të prokurorëve gjatë hetimeve, duke përmendur metoda që shkelin të drejtat themelore të njeriut në marrjen në pyetje të dëshmitarëve. Në këtë kontekst, ai përmendi konfliktet mes Olsi Dados dhe Erion Veliajt.
Duke analizuar ndikimin politik të arrestimit të Veliajt në fushatën elektorale, Baze tha se ky është një barrë e rëndë për Partinë Socialiste, por peshën më të madhe e ka marrë mbi supe Edi Rama, i cili tashmë ka zëvendësuar de facto Veliajn si kryetar bashkie dhe si drejtues politik i Tiranës.
“Për këtë arsye, nuk shikoj ndonjë dëm politik të madh”, tha Baze.
Debati mes PS dhe SPAK: Një kulturë e re komunikimi?
Sipas Bazes, debati i socialistëve me SPAK është i shëndetshëm, pasi mund të krijojë një kulturë komunikimi publik për të balancuar veprimtarinë e drejtësisë, duke parandaluar ndërhyrjet dhe ndikimet politike të njëanshme.
Baze bëri gjithashtu një krahasim mes reformës në drejtësi në Shqipëri dhe asaj në Kosovë, duke theksuar se ashtu si Edi Rama me reformën në drejtësi, edhe Hashim Thaçi në Kosovë është një nga politikanët që po përballet më shumë me pasojat e saj.
j.l./ dita
Mero ja njeh mire komplekset Berishes ka qene qeni zagar i tij ne ate kohe kur Salihi ka kryer krimet me te ndyra ndaj Shqiptareve.
Labi . Merua ka qënë mbështetës e këshilltar I Berishës , kur ishin të gjithë me të , sepse prisnin ndryshime mbas diktaturës . Sapo Berisha tradhëtoi aspiratat e Shqiptarëve dhe mbushi institucionet me malokë e shpellarë , krijoi ushtri veriore për të sulmuar ty (labërinë) , e tradhëtoi Merua dhe shumica e njerëzve . Merua ka qënë 3 vjet me Saliun , gjë që kurrë nuk e ka mohuar dhe e ka braktisur në çmenduritë e tij . Saliu pastaj i dogji makinën , e shau dhe e rrahu e qysh atëhere Merua me të drejtë është kundërshtar i Berishës .