Prej disa javësh, thashethemet për një krizë po qarkullojnë mbi Cristiano Ronaldo dhe Georgina Rodríguez. Mbi të gjitha, pas prezantimit të portugezit me klubin saudit Al Nassr janarin e kaluar, ku ata nuk u panë të shkëmbenin asnjë lloj dashurie. Tani është një anëtar i ekuipazhit të ‘avionit’ të tij privat, identiteti i të cilit nuk publikohet, që ka konfirmuar atë që ishte një sekret i hapur. Mesa duket, çifti më viral dhe influencues në botë, do të kishte pasur një diskutim shumë të ashpër në një udhëtim në Nju Jork, një muaj më parë, pak para se të hipnin në avion.
“Georgina hipi në aeroplan totalisht e inatosur me Cristiano dhe nuk përshëndeti askënd. Ndërkohë, ai ishte shumë korrekt, politik me të gjithë ekuipazhin, por ata nuk folën me njëri-tjetrin gjatë gjithë orëve që zgjati fluturimi”, shpjegoi burimi. Megjithatë, gjatë kësaj kohe modelja ka publikuar imazhe romantike në profilin e saj në Instagram, duke treguar se gjithçka është në rregull. Më të fundit më 8 prill. Gjithsesi edhe ditë më parë mediat raportuan se Georgina kishte tashmë marrëdhënie të këqija edhe me vjehrrën e saj.
