Gjykata e Posaçme e Apelit për Korrupsionin dhe Krimin e Organizuar la në fuqi masën e sekuestros për apartamentin e ish-kreu të Gjykatës Kushtetuese Bashkim Dedja.
Apartamenti me sipërfaqe 60 metra katrorë u konfiskua nga GJKKO në prill të viti të shkuar me kërkesë të SPAK.
Dedja u dënua me 6 muaj nga burg nga Gjykata e Posaçme për fshehje dhe deklarim të rremë të pasurisë më 26 qershor 2023, vendim i cili u la në fuqi edhe nga Apeli i Posaçëm më 13 shkurt të këtij viti.
SPAK e akuzon Dedjan se ka fshehur në deklarimin e një apartament me sipërfaqe 60 m2, e ndodhur në zonën Kryemedhenj, Njësia Administrative Golem Kavajë. Dedja ka thënë se ky apartament është i vëllait të tij dhe thjesht e ka pasur në përdorim.
Ndërkohë më 15 tetor 2025, Gjykata e Lartë prishi vendinin e Apelit për dënimin e Ish-kreut të Gjykatës Kushtetuese, Bashkim Dedja duke vendosur që çështja do duhet të rigjykohet në Apelin e Posaçëm (GJKKO) për veprat penale fshehje dhe deklarim të rremë të pasurisë, me tjetër trupë gjykuese.
j.l./ dita
