Një fluturim i ‘Iraqi Airways’ për në Bagdad, pësoi një vonesë të pazakontë prej një ore, për shkak të një vizitori të papritur: një ariu. Kafsha, e cila ndodhej në aeroplan, arriti të shpëtonte përpara se të ngrihej në aeroportin e Dubait. Autoritetet në Emiratet e Bashkuara Arabe vepruan me shpejtësi, duke dërguar një ekip për të qetësuar ariun dhe për të siguruar largimin e tij nga avioni.
Pas një kontrolli të plotë që konfirmoi mungesën e dëmtimit, fluturimi mundi të vazhdonte rrugën e tij. Lajmi nuk kaloi pa u vënë re nga Mohammed Shia Al Sudani, kryeministri i Irakut, i cili ka urdhëruar një “hetim urgjent dhe profesional” për të adresuar shkaqet e incidentit, i cili preku edhe fluturimet e tjera dhe shërbimet e aeroportit. Sipas Iraqi Airways, ariu ishte pjesë e një dërgese nga Bagdadi në Dubai.
Megjithatë, në një video të shpërndarë në mediat sociale, një anëtar i ekuipazhit sugjeroi se fluturimi për në Bagdad ishte vonuar tashmë me një orë, duke bërë që pasagjerët të zbrisnin ndërsa situata ishte zgjidhur. Ky incident nxjerr në pah sfidat ligjore dhe rregullatore me të cilat përballen autoritetet në mbrojtjen e kafshëve të egra në vend. Kompania ajrore u kërkoi falje pasagjerëve, teksa këta të fundit e mirëkuptuan situatën e paparashikuar që u krijua.
