Një video u kthye virale në rrjetet sociale që përfshin Twitter dhe TikTok: “Nxehtësia e fortë ka arritur në Los Anxhelos (Kaliforni)”, njoftohej ndër të tjera. Protagonisti i videos së lartpërmendur nuk është askush tjetër, veçse një ari. “Nxehtësia e fortë ka mbërritur në Los Angeles, Kaliforni (ku temperaturat janë 9 gradë mbi mesataren e zakonshme). Ky ari është futur në kopshtin e një shtëpie për të bërë një zhytje freskuese në vaskën e nxehtë. Vetëm një gjë tjetër për të shkuar!”, shkruhet në shënimin e videos së hedhur nga një meteorolog spanjoll, i quajtur Mario Picazo dhe që ka mbi 100 mijë ndjekës.
Është shumë normale që kafsha e gjorë të strehohet në xhakuzi, sado i nxehtë të jetë uji, kur temperaturat kanë kaluar maksimumi 35 gradë, shumë mbi 25-30 që janë të zakonshme për këtë periudhë të vitit. Apriori, asnjë media vendase nuk ka konfirmuar se ariu ishte një rrezik për personin që e regjistronte, ndaj gjithçka ka rezultuar të jetë një anekdotë më kurioze që ka tërhequr vëmendjen e mijëra njerëzve nga e gjithë bota.
