Arkeologët zbuluan një skulpturë të rrallë, të një perëndie të fuqishme Maya, pranë shtegut të një projekti hekurudhor në Meksikën juglindore, thonë zyrtarët. Skulptura e perëndisë së lashtë “K’awiil” është pjesë e një urne të gjetur së fundmi pranë Seksionit 7, të projektit në vazhdim të ‘Trenit Maya’, tha Instituti Kombëtar i Antropologjisë dhe Historisë, në një njoftim të 27 prillit. Seksioni 7 shtrihet nga qyteti i Bacalar, në Quintana Roo, në Escárcega, në Campeche.
Projekti i diskutueshëm i ‘Trenit Maya’ – i cili do të përfshijë 965 milje kur të përfundojë – përkrahet ashpër nga presidenti meksikan Lopez Obrador, i cili synon të lidhë gadishullin Jukatan me hekurudhë, raportoi ‘Mexico News Daily’. Megjithatë, shumë e kundërshtojnë përpjekjen për shqetësimet e shkatërrimit të mjedisit dhe humbjes së trashëgimisë kulturore dhe historike. K’awiil ishte perëndia Maja e rrufesë, pasurisë dhe pjellorisë dhe “ka lidhje me idenë e Majave se rrufeja fekondoi tokën”, tha Oswaldo Chinchilla Mazariegos, profesor i asociuar i antropologjisë në Yale, në një njoftim universitar të vitit 2022. Statuja “K’awiil” është një nga gjetjet e shumta të bëra nga ekipet që shpëtojnë objekte përgjatë rrugës së projektit të trenit, sipas njoftimit të INAH. Që nga 27 prilli, janë kataloguar dhe rezervuar rreth 49000 ndërtesa ose themele, mbi 896000 fragmente qeramike dhe 491 kocka.
