Gjykata e Posaçme vendosi masën e sigurisë “arrest në burg” për italianin Cosimo Notari Stefano i njohur si “Giorgio”, i arrestuar në kuadër të aksionit të Struktura e Posaçme Kundër Korrupsionit dhe Krimit të Organizuar (SPAK) kundër një call center-i të dyshuar për mashtrime financiare, në një nga kullat e Tiranës.
Notari Stefano deklaroi në gjykatë se ka qenë i punësuar dhe se nuk kishte dijeni për skemën që pretendon SPAK. Ai tha se kryente shërbim teknik dhe se nuk ka patur funksion mbi investimet që bënin shtetasit e huaj.
Gjatë seancës, ai parashtroi se vuan nga probleme të shumta shëndetësore dhe kërkoi caktimin e një mase tjetër sigurie, përfshirë garancinë pasurore, përveç arrestit në burg.
Italiani deklaroi gjithashtu se nuk ishte në dijeni që ndodhej në kërkim dhe se ishte nisur për të shkuar në vendin e tij, siç bën një herë në dy muaj.
j.l./ dita
