Kryeministri Edi Rama ka shkuar sërish në Bashkinë e Tiranë për t’u takuar me nënkryetarët.
Kjo është hera e tretë që kreu i qeverisë shkon në institucionin vendor pas vendosjes në pranga të kryebashkiakut Erion Veliaj më 10 shkurt në zyrën e tij me urdhër të SPAK.
Pas arrestimit, kryebashkiaku Veliaj i kaloi firmën nënkryetares Anuela Ristani.
Ndërkohë kreu i qeverisë ka deklaruar se nuk do ta shkarkojë nga detyra Erion Veliajn.
“Jo vetëm kryetari i Bashkisë së Tiranës nuk do të shkarkohet nga detyra, por nga ndalimi i tij ka lindur për ne detyra që të vazhdojmë të jemi garantë të palëkundur të drejtësisë, duke nxitur sa më shumë transparencë për të dalë tek e vërteta”, tha Rama për BIRN.
Ndërkohë ditën e djeshme, në një seancë maratonë, GJKKO vendosi vazhdimin e masës së “arrestit me burg” për Erion Veliajn, i cili u dërgua mëngjesin e sotëm në paraburgimin e Durrësit.
j.l./ dita
Ineteresa te medha e shkepusin kryeministrin nga obligimet e postit tetij!?Cfare kerkon ne bashkine e Tiranes!?Populizmi eshte politika e tij mjerane,identik si shoku Salu,shoku meta,shoku Medi,shoqet lulkaja,mona,batdha e Bela!?