Policia ka vijuar kontrollet në rrugët e Vlorës dhe Sarandës, me qëllim menaxhimin e trafikut, parandalimin e aksidenteve si dhe evidentimin e shoferëve që janë në shkelje të rregullave.
Gjatë një jave, si rezultat i kontrolleve të shtuara nga ana e policisë rrugore duke përdorur radarë, dronë, kamera, aparate fotografike dhe alkooltestues, si dhe falë bashkëpunimit me qytetarët janë arrestuar 3 drejtues mjetesh dhe janë vendosur nën hetim 6 tjerë, për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”.
Janë pezulluar 12 leje drejtimi, nga të cilat 10 për tejkalim të normave të shpejtësisë, 2 për drejtimin mjeti, nën ndikimin e alkoolit.
Janë vendosur gjithsej 1375 masa administrative, nga të cilat: 189 masa për tejkalim shpejtësie; 30 masa për mosvendosjen e rripit të sigurimit; 47 masa për mosvendosjen e kaskës mbrojtëse; 9 masa për përdorimin e aparatit celular gjatë drejtimit të mjetit; 161 masa për parakalime të gabuara; 585 masa për ndalim/pushim të mjetit në kundërshtim me sinjalistikën rrugore dhe rregullat e qarkullimit; 354 masa për shkelje të rregullave të tjera të Kodit Rrugor.
a.m/dita
