Drejtoresha e Antimafias në Palermo të Italisë, Daniela Lo Verde ka rënë në prangat e policisë pasi vodhi ushqim në mensë dhe tabela për studentët. Ky arrestim i pazakontë vjen pasi akuzohet për korrupsion dhe përvetësim. Së bashku me të, u arrestua edhe zv/drejtori i shkollës, Daniele Agosta. Policia arriti të zbulojë gjithë skemën me anë të një përgjimi. Karabinierët publikuan imazhet e shkrepura, ku treguan bastisjen e menesës së shkollës duke marrë tableta, telefona celularë, që supozohej të jepeshin për shkollën e saj, institutin “Giovanni Falcinë’ në Palermo, një prej lagjeve më të vështira të qytetit, raportoi ‘Corriere’.
Prej muajsh dyshohet se kanë përvetësuar ushqime, kompjuterë dhe tableta të destinuara për fëmijë dhe të blera me fonde europiane. Gjyqtari hetues që urdhëroi arrestin shtëpiak për të dy, flet për një kuadër provash “të qartë, krejtësisht të qartë dhe të turpshëm” dhe për ‘një menaxhim absolutisht të paskrupullt që synon thjesht trajtimin e interesave të natyrës personale’. Hetimi, i koordinuar nga prokurori i prokurorit evropian Gery Ferrara dhe Amelia Luise, përfshin edhe një person të tretë, Alessandra Conigliaro, e cila është gjithashtu në arrest shtëpiak: ajo është një punonjëse e një dyqani kompjuterash, që dyshohet se ka marrë furnizimet me pajisje të destinuara për shkollën, duke i përvetësuar.
