Një person është arrestuar me urdhër të SPAK, pasi ditën e zgjedhjeve të 14 majit, iu ka premtuar dhe iu ka ofruar personave të ndryshëm, para me qëllim për të marrë pjesë në votime dhe për të blerë votat. Në pranga ka rënë Klodian Kapedani, i cili akuzohet për veprën penale “korrupsioni aktiv në zgjedhje”.
SPAK njofton se është caktuar masa ‘arrest me burg’, e cila është ekzekutuar ditën e sotme. Hetimet paraprake për këtë procedim penal janë në vazhdim e sipër dhe ende nuk kanë përfunduar.
Kapedani mësohet se ka blerë vota për koalicionin ‘Bashkë Fitojmë’, ku në Kavajë ka fituar zgjedhjet me përmbysje kandidati i Berishës e Metës, Fisnik Qosja, ndaj socialistit Redjan Krali.
