Ish-kreu i inteligjencës së jashtme gjermane, August Hanning, është vënë nën hetim me akuzat për spiunazh, tradhti të lartë dhe marrje të informacioneve të rezervuara në emër të një fuqie të huaj, raportoi të martën, media gjermane.
Sipas asaj që është raportuar, Prokuroria akuzon se Hanning, mandati i të cilit përfundoi në vitin 2005, kishte blerë informacione sekrete nga një ish-punonjës i agjencisë së inteligjencës së jashtme BND, me qëllimin për t’i rishitur ato në kuadër të aktiviteteve të tij private të konsulencës. Bashkë me të është arrestuar edhe ish-shefi i kabinetit të tij, Manfred D. (i cili ka mbajtur të njëjtin post edhe për presidentë të tjerë të BND-së).
Sipas rindërtimeve të ngjarjes, Manfred D. kishte rënë dakord me eprorin e tij për një shpërblim në këmbim të informacioneve të brendshme nga shërbimet e huaja të inteligjencës. Hetuesit flasin për afro 2 mijë dokumente deri në qershor 2022, shumë prej të cilave të klasifikuara.
BND-ja dhe zyra e prokurorit federal gjerman nuk iu përgjigjën menjëherë kërkesave të Reuters për koment. Hetimi, shpjegon Die Welt, nisi nga gjetja e disa dokumenteve të zbuluara gjatë një kontrolli të kryer në shtator 2025, në kuadër të procedimit penal kundër sipërmarrëses nga Hamburgu Christina Block dhe të pandehurve të tjerë.
Ndërkohë, agjentë të Zyrës Federale të Policisë Kriminale kanë kontrolluar disa prona në Bavari, Renania Veriore-Vestfali dhe Berlin.
Disa gazeta saktësojnë se hetimet në vazhdim nuk kanë asnjë lidhje me Rusinë.
j.l. / dita
Lajme te rreme me sa duket Merz nuk ka punet mire, ka shume presion te brendshem nga te vetet ne partie dhe nga SPD.