Bie në pranga 29-vjeçari i shpallur në kërkim për tentativë vrasje tre vite më parë.
Policia e Shkodrës bën me dije se në pranga ka rënë Brisel Kurtmetaj, i cili ishte shpallur në kërkim pasi në muajin gusht të vitit 2020, pas një konflikti të çastit, ka tentuar të vrasë me armë zjarri shtetasin S. B. Ndërkohë si pasojë e të shtënave është plagosur lehtë shtetasi D. Q, kalimtar i rastit.
Për 29-vjeçarin Gjykata e Rrethit Gjyqësor Shkodër kishte caktuar arrest me burg për veprat penale “Vrasja me dashje” mbetur në tentativë, “Prodhimi dhe mbajtja pa leje e armëve luftarake dhe e municionit” dhe “Prishja e qetësisë publike”. Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.
