Kur kanë mbetur edhe disa orë nga mbyllja e aplikimeve të konkurrimit për studimet e larta, autoritetet bëjnë thirrje të rinjve që të aplikojnë për Akademinë e Forcave të Armatosura.
Në një postim të bërë në Facebook, ministri i Mbrojtjes, Niko Peleshi bën me dije se Akademia e Forcave të Armatosura është zgjedhja më e preferuar nga studentët e rinj, dhe kjo për disa arsye.
“Pagesë mujore dinjitoze, akomodim dhe ushqim falas gjatë gjithë periudhës së studimit, tarifë regjistrimi 0 lekë për të katërta vitet, punësim dhe pension të sigurtë, janë vetëm disa nga përfitimet si student i kësaj akademie”, bën me dije Peleshi.
Sipas tij, edukimi në Akademinë e Forcave të Armatosura është i barabartë me institucione të njohura ndërkombëtare si West Point në SHBA. “ Ndaj apliko tani online në portalin http://ualbania.al dhe mos e humbisni mundësinë për të ndjekur një karrierë të denjë e prestigjoze”, shkruan më tej, Peleshi.
p.k\dita
