Gazetari investigativ Artan Hoxha në një intervistë televizive ka rikthyer në diskutim një ngjarje të pazbuluar e ndodhur brenda një resorti turistik sipas tij të njohur.
Hoxha foli për një vrasje që ka ndodhur brenda një kompleksi të madh turistik në vendin tonë, por që ende nuk është bërë publike. Në fjalën e tij, ai premtoi se do e zbulonte si ngjarje, por kur të ishte koha e duhur.
“Në shtator ka pasur një vrasje në një nga komplekset më të mëdha turistike të vendit. Nuk është folur as sot e kësaj dite. E kam përmendur unë dy herë dhe asnjë tjetër. E kanë vrarë mu në mes të resortit, e kanë zhdukur dhe ka vajtur mjeku ligjor dhe hetuesi. Po merrem me këtë çështje dhe do ta hedh. Është vrarë mu në mes të resortit ka humbur,”-tha Artan Hoxha.
m.b./dita
