“Askush mbi ligjin”, ambasadorja Yuri Kim vizitë në ambientet e SPAK

Ambasadorja amerikane Yuri Kim ka shkuar këtë të enjte në ambientet e Prokurorisë së Posaçme SPAK.

Kim ka pasur takime me prokurorët e posaçëm të kësaj strukture si dhe kreun e saj Arben Kraja.

“Takova në SPAK Arben Krajën dhe prokurorët për të ritheksuar mbështetjen për punën e tyre të rëndësishme. Pavarësisht kërcënimeve dhe tentativave për nxitje, SPAK është i përqendruar në ofrimin e më shumë rezultateve, që tregojnë se askush, pavarësisht gradës apo pasurisë nuk është mbi ligjin. Jo më pandëshkueshmëri”, shkruan Yuri Kim.

1/2 Met @SPAK_Albania @KrajaArben1 & prosecutors to reiterate 🇺🇸 support for their important work. Despite threats & attempted inducements, SPAK is focused on delivering more & more results that show no one – no matter their rank or wealth – is above the law. No more impunity. pic.twitter.com/VqVy8TKVqE

— Ambassador Yuri Kim (@USAmbAlbania) November 3, 2022

Kujtojmë që sot ishte afati i fundit i dorëzimit të kandidaturave për kreun e SPAK, pas mbarimit të mandatit të Arben Krajës.

Tre prokurorët, Adnan Xholi, Altin Dumani dhe Edvin Kondili kanë paraqitur kandidaturat për kreun e SPAK.

a.m/dita