Një zyrtar nga misioni detar i Bashkimit Europian Aspides tha se u është njoftuar nga Rojet Revolucionare të Iranit, se “asnjë anije nuk lejohet të kalojë Ngushticën e Hormuzit”, raporton Reuters.
Ngushtica e Hormuzit është rruga më e rëndësishme botërore për eksportin e naftës, që lidh prodhuesit më të mëdhenj të naftës në Gjirin Persik, si Arabia Saudite, Irani, Iraku dhe Emiratet e Bashkuara Arabe, me Gjirin e Omanit dhe Detin Arabik.
Zyrtari, i cili foli për Reuters nën kushtin e anonimatit, tha se Irani nuk ka konfirmuar zyrtarisht ndonjë urdhër të tillë. Megjithatë, Teherani prej vitesh ka kërcënuar se do të bllokojë këtë rrugë të ngushtë ujore si hakmarrje ndaj çdo sulmi ndaj Republikës Islamike.
Ky është i vetmi vend i Gjirit që nuk është goditur nga Irani
