Personi në foto është Sokol Daci, 30-vjeçari i cili mbrëmjen e shkuar mbeti i plagosur nga breshëria e plumbave në Rrilë të Lezhës.
30-vjeçari ndodhet në gjendje të rëndë në spitalin e Traumës, por me parametra jetësorë stabël, në shërbimin e reanimacionit.
Ai dyshohet të ketë marrë të paktën 3 plumba, në shpatull, bark dhe në këmbë. Kujtojmë që atentati ndodhi në zonën e njohur si kryqëzimi i Rrilës. Daci u plagos aksidentalisht, pasi nuk ka qenë objektiv i atentatit.
Brenda në berberhane dyshohet se ka qenë edhe një pjesëtar i familjes Nikulaj. Po ashtu, brenda dyshohet se ka qenë edhe një efektiv policie, i cili është kundërpërgjigjur ndaj autorëve. Ndërhyrja e tij ka parandaluar atentatin.
Si ndodhi ngjarja ?
Plagosja ndodhi mbrëmjen e shkuar në qendër të fshatit Rrilë, në Lezhë. Autoritetet mbërritën në vendin e ngjarjes disa minuta pasi mbi një brberhane ishin lëshuar breshëri plumbash. Si pasojë i plagosur ka mbetur Sokol Daci, 30 vjeç, i cili në atë moment ka qenë brenda ambienteve të berberhanes.
Nga pamjet duket se atentatorët kanë qëlluar me breshëri dhe fasada e dyqanit është bërë shoshë.
30-vjeçari është nisur menjëherë në drejtim të spitalit rajonal të Lezhës, për ndihmën e parë, e më pas është transportuar drejt Spitalit të Traumës për të marrë nidhmën e specializuar mjekësore. Policia bën me dije se ka nisur hetimet, për të zbardhur ngjarjen.
j.l./ dita
