Presidenti i Republikës, Bajram Begaj, reagoi sot dhe ka dënuar aktin e rëndë të ndodhur në Vaun e Dejës, teksa iu bë atentat me eksploziv kreut të degës së ‘Rithemelimit’ në këtë bashki, Benard Ndreca, i cili shpëtoi pa lëndime.
“Mësova me shqetësim mbi vendosjen e një sasie eksplozivi në automjetin në pronësi të Z.Benard Ndreca, në Laç, Vau i Dejës. Dënoj me forcë aktet e dhunës ndaj cdo individi e ndaj aktivistëve politikë të çdo kahu. Nxis institucionet përgjegjëse të identifikojnë e të vendosin para ligjit personat përgjegjës”, shprehet Begaj në deklaratën zyrtare.
