Ky është 33-vjeçari Tonin Ramaj (Hosaj), i cili mbeti i plagosur nga të shtënat me armë mesditën e sotme në një lokal në Vlorë.
I riu me dy mbiemra është dërguar në spital, ku aktualisht ndodhet nën kujdesin e mjekëve. Policia ka dyshime se kanë qenë dy autorë të ngjarjes, të cilët pas të shtënave janë arratisur. Ngjarja ndodhi rreth orës 12:25, në lagjen “Pavarsia 3”, në rrethana ende të paqarta. Dyshohet se shkak mund të jenë konfliktet me motive të dobëta ditët e fundit, ose ndonjë aktivitet i paligjshëm apo borxh i vjetër. Gjithsesi hetimet janë ende aktive dhe policia nuk ka ende pistë zyrtare.
Njoftimi i policisë:
Sot rreth orës 12:25, në lagjen “Pavarsia 3”, dyshohet se në rrethana ende të paqarta, është plagosur me armë zjarri shtetasi T. R (H), 33 vjeç, banues në Vlorë, i cili ndodhet nën kujdesin e mjekëve. Shërbimet e Policisë kanë shkuar menjëherë në vendngjarje, kanë rrethuar zonën dhe vijon krehja e saj për kapjen e autorit. Grupi hetimor vijon punën për zbardhjen e rrethanave të ngjarjes dhe fiksimin e çdo prove materiale që do çojë në identifikimin dhe kapjen e autorit.
