Institucionet që kanë kaluar në “sitën” e Kontrollit të Lartë të Shtetit për periudhën janar-shtator janë gjetur në shkelje të shumta që kanë sjellë dëm ekonomik por edhe ndikim negativ në administrim të të ardhurave ose shpenzimeve.
Në buletinin e fundit rezulton që ky dëm të jetë 122 miliardë lekë (mbi 1 miliardë euro), 38% e të cilës vjen nga të ardhurat dhe shpenzimet dhe pjesa tjetër nga shkelje të disiplinës financiare me ndikim negativ në performancën e administrimit të të ardhurave.
Konkretisht KLSH nënvizon se në përfundim të auditimeve të kryera përgjatë periudhës janar – shtator 2022 ka zbuluar parregullsi dhe shkelje financiare me pasojë dëm ekonomik në të ardhura dhe shpenzime në shumën totale prej 47 miliardë lekë. Në këtë dëm peshën kryesore e mbajnë tatim-taksat me 45 miliardë lekë, tek Doganat 846 milionë lekë, në fushën e shitjes-blerjes dhe dhënies me qira të pasurisë shtetërore 421 milionë lekë.
Ndërkohë për të njëjtën periudhë KLSH ka evidentuar shkelje të disiplinës financiare me ndikim negativ në performancën e administrimit të të ardhurave, shpenzimeve dhe në përdorimin e fondeve publike në vlerën totale 74 miliardë lekë nga të cilat:
“Nga këto 21,007,564 mijë lekë në fushën e të ardhurave, ku veçojmë vlerën prej 10,182,517 mijë lekë (ose rreth 48% e totalit) e konstatuar në ALBPETROL sha, në fushën e shitjes, blerjes dhe dhënies me qira të pasurisë shtetërore; si dhe 53,089,493 mijë lekë në fushën e shpenzimeve të kryera jo me eficiencë, efektivitet dhe ekonomicitet të fondeve, si rezultat i shkeljeve të disiplinës buxhetore lidhur me likuidimin e shpenzimeve, keq menaxhimin e fondeve të programuara apo mungesë kontrolli në realizimin e procedurave të prokurimit jo në përputhje me kuadrin ligjor, ku veçojmë vlerën 32,817,583 mijë lekë (ose rreth 62% e totalit), konstatuar në Ministrinë e Financave, më konkretisht në Drejtorinë e Përgjithshme të Buxhetit, Drejtorinë e Përgjithshme të Thesarit dhe Drejtorinë e Borxhit Publik dhe Bashkërendimit të Ndihmës së Huaj”, thuhet në publikimin e KLSH.
Në total , për periudhën janar – shtator 2022, në përfundim të 120 auditimeve të kryera, KLSH ka dhënë opinione për 97 prej tyre , nga të cilat: 26 opinione financiare për auditimet financiare, 315 opinione përputhshmërie për auditimet e përputhshmërisë dhe 40 janë opinione financiare dhe përputhshmërie.
j.l./ dita
Tani pritet te dale para mediave ajo Biba-ministre e financave e te mburret me kete “arritje” te qeverise Rama!
Kjo shuma si deme ekonomik perkthehet para te futura ne xhepat e oligarkeve ne bashkepunim deputet-qeveritare. Rrofte skenderbeu yne do te bertase Spiropali.
E ku qëndron problemi këtu???!!!
Nga viti 2000′ e mbrapa, bazuar në raportimet e KLSH, Hubjet në buxhet fal këtyre që qiverrisin, kanë qenë 700 milion deri në 1.2 miliard euro, për cdo vit.
Psh. ., në 10 vitet e fundit, dëmi i përafërt ka qen 8-10 miliard euro në total…
E çfar mund të bëhej në Shqipëri me ato 10 miliard euro të qelbura??
Do mbilleshin nja 20 mijë peme tek Liqeni..
Do riparoheshin nja tre a katër shkolla….
Do bëheshin ca kilometra udhë…jo ndonjë gjë e madhe..!!!
Ja do financohet dhe bujqësia….
Ja do ringrihej sistemi shëndetësor dhe Arsimor….etj….etj…
Por …poooor nuk do kishim ministre e drejtoresha kaq të bukura, dhe të veshura firmato, që na e ka zili gjith bota, po qe se nuk do kishte “firo” të tilla buxheti!
Nuk do kishim këta liderra global; Nga Salihi tek Edvini; Nga spridhia tek Dadume Greta, nga mul noka tek gjëkundi, nga Balluke tek Monika; nga Tallash palla tek iliri i palyri…që duan të na i marri “bota” për me drejtue institucionet ma prestigjioze…
Ekipi i KLSH-se eshte nga me te paaftet e institucioneve shqiptare.Vetem te them qe nga vlonjatet qe futi Bujar Leskaj aty, asnjeri nuk ka punuar financier i mirefillte, por polica tatimore, polica bashkiake etj.KLSH nxjerr detyrime 1 miliarde euro, dhe perfundimisht nuk arketohen as 1% se nuk jane ne gjendje ti mbrojne ne gjykate ( se nuk qendrojne ).
Asgje nuk kuptohet ketu.Vetem demi 1 miliard euro .Ku shkuan keto 1 miliard euro?KLSH-ja nuk na thote gje.Vetem thote :Iken keto o popull dhe tani fshini buzet.Kaq eshte detyra jone.Moj KLSH pa iu futur ti kesaj pune populli e ka bere llogarine me kompiuter dhe nxjerr me shume abuzime.