Një krijesë e re dhe e rrallë, e pahasur më parë nga shkencëtarët dhe biologët, është zbuluar së fundmi në pyjet e Australisë, në Queensland. Bëhet fjalë për botën e insekteve dhe familjen e merimangave, por jo nga ato të zakonshmet. Më shumë e ngjashme me krijesat e filmave horror, gjigante, helmuese dhe e frikshme. Shkencëtarët dhe Museu i Queensland e cilësoi atë si “gjigante dhe të rrallë”, një specie e re që i shtohet natyrës së biologjisë në kërkime, teksa e gjetën rastësisht në thellësi të pyllit, të fshehur në nëntokë dhe me vrima të mëdha si dhomëza ku fshihej. Madje shkencëtarët i kanë vendosur edhe një emër: “E denja Euoplos”. Që nënkupton diçka me dinjitet dhe madhështore, që reflekton në të njëjtën kohë përmasat e natyrës së një merimange.
Dhe për më tepër, shkencëtarët konstatuan merimanga femër dhe mashkull. Mashkulli Euoplos ka ngjyra më të çelëta në të kuqe, këmbë të gjata dhe trup të shndritshëm. Muzeu hodhi foto në Facebook më 17 mars. Kurse femra ka ngjyra më të zbehura dhe trup kompakt. Për këtë zbulim u bë edhe një botim në “Journal of Arachnology”. Shkencëtarët thanë se ajo jetonte në thellësi dhe askush nuk e kishte vërejtur deri tani. Merimanga femër kalon të shumtën e kohës në folenë e saj gjigante në nëntokë, sipas publikimit të “The Guardian”. Kurse mashkulli lëviz çdo pesë apo shtatë vite, nëpër nëntokë, në tunelet që kanë hapur. Dhe e veçanta e kërkimit është se këto merimanga prodhojnë helm, me të cilin vrasin pretë e tyre për ushqim, por që çuditërisht nuk është vdekjeprurës për racën humane, pra jo fatal.
“Mund të jenë të frikshme dhe të dhunshme për shkak të përmasës së tyre, por jo vdekjeprurëse”, thanë shkencëtarët. Kjo krijesë e re gjendet vetëm në disa zona të Australisë dhe veçanërisht 700 milje nga Sydney. Por shkencëtarët nuk e dinë realisht numrin apo masën e ‘popullatës’ së kësaj specieje, teksa hulumtime të tjera janë ende të nevojshme.