Një aksident tragjik ka ndodhur mbrëmjen e sotme në aksin rrugor Elbasan-Peqin në fshatin Pajovë. Policia bën me dije se një 17-vjeçar i cili ka qenë duke drejtuar pa patentë një automjet tip “Benz”, ka përplasur për vdekje një 73-vjeçar që udhëtonte me biçikletë.
Policia ka shoqëruar të riun në komisariat për veprime të mëtejshme ndërkohë që grupi hetimor ndodhet në vendin e ngjarjes dhe po punon për zbardhjen e plotë të rrethanave të aksidentit.
“Më datë 13.12.2022, në aksin rrugor Elbasan-Peqin, në fshatin Pajovë, shtetasi J. Gj., 17 vjeç, banues në fshatin Pajovë, duke drejtuar pa leje drejtimi automjetin tip “Benz”, ka aksidentuar, biçiklistin, shtetasin B. K., 73 vjeç, banues në fshatin Çengelaj, Peqin, i cili për pasojë ka ndërruar jetë.
Drejtuesi i automjetit është shoqëruar në Komisariatin e Policisë për veprime të mëtejshme. Grupi hetimor ndodhet në vendngjarje dhe po punon për zbardhjen e plotë të rrethanave të aksidentit”, bën me dije policia.
a.m/dita
