Policia e Lezhës ka arritur të identifikojë të dyshuarin e krimit të ditës së sotme ndaj ish-ligjvënësit socialist. Personi që qëlloi në drejtim të makinës së ish-deputetit socialist Armando Prenga në Kurbin, rezulton se është djali i vëzhguesit-komisioner të koalicionit “Bashkë Fitojmë”, berisha-Meta, në zgjedhjet e Kurbinit. Ngjarja ka ndodhur në Fushë Kuqe, kur Prenga po qarkullonte me makinë, teksa 29-vjeçari me inicialet F. Ismaili, qëlloi me armë në drejtim të mjetit të tij.
Nga sulmi nuk pati të lënduar. Ka qenë vetë ish-deputeti që ka njoftuar policinë për ngjarjen. Ndërkohë 29-vjeçari që qëlloi është shpallur në kërkim, kurse motivi i ngjarjes besohet të jetë politik.
Në fakt, raportohet se sherri Prengës dhe të atit të autorit, nisi në KZAZ-në e Kurbinit. Islam Ismajli ishte vëzhgues-komisioner i koalcionit Berisha-Meta. Konflikti rezulton se nisi për dy vota të kontestuara në komision, që çoi situatën në tensione të mëpasshme.
