Në atentatin e mbrëmjes së sotme (e diel), dyshohet se kanë marrë pjesë më shumë se dy persona dhe më pas janë larguar me makinë. Raportimet nga terreni thonë se ngjarja e rëndë ka lidhje me pronarin e lokalit Fatjon Murati, ku edhe ka ndodhur atentati.
Disa persona të paidentifikuar janë afruar në ambientet e lokalit dhe kanë qëlluar me breshëri plumbash. Dyshohet se Fation Murati mund të ketë pasur konflikt të mëparshëm me persona të tjerë, dhe për këtë arsye po hetohen disa pista.
Dyshohet se edhe Shehat Murati , (xhaxhai i Fation Muratit) mund të ketë qenë objektiv i këtij atentati. Autori është afruar në këmbë dhe ka qëlluar me armë zjarri drejt lokalit. Mbi dy persona kanë marrë pjesë në këtë atentat.”, kanë thënë burimet në vendnngjarje.
Policia ka ngritur pika kontrolli në bashkëpunim me Drejtoritë Vendore të Policisë Durrës, Elbasan, Lezhë e Dibër. Shërbimet e Policisë po vijojnë kontrollet në gjithë territorin ku dyshohet që mund të kenë lëvizur ose ku mund të fshihen autorët. Fation Murati, i cili ishte shënjestër i atentatit mafioz në lokalin në pronësi të tij, ishte në masën e sigurisë “arrest shtëpie”.
m.b./dita
