Diplomatit serb, Vladimir Bozhoviç i kanë ndaluar hyrjen në Mal të Zi me arsyetimin se ai paraqet kërcënim për sigurinë kombëtare.
Lajmin e ka bërë të ditur vetë diplomati Bozhovic, i cili përmes një video-mesazhi të postuar në rrjetin social Instagram, nga pika kufitare në Draçenovc, njoftoi se po pret që t’i dorëzohet vendimi.
Për diplomatin serb, një vendim i tillë paraqet “skandal të paprecedentë, të egër dhe në kundërshtim me Kushtetutën dhe ligjet e Malit të Zi”.
Ai ka deklaruar se do të ankohet për këtë vendim dhe pret që edhe autoritetet në Serbi të reagojnë.
“Sigurisht që do të ankohem për këtë vendim, pres reagimin e Republikës së Serbisë, të kryeministrit dhe të gjithë popullit serb, patriarkut serb dhe kishës sonë, sepse ky nuk është sulm ndaj meje dhe familjes sime”.
Ai thekson se asnjëherë nuk ka ndërhyrë në punët e brendshme të Malit të Zi dhe as nuk ka marrë ndonjëherë urdhër nga presidenti i Serbisë për të bërë diçka kundër Malit të Zi, autoriteteve apo interesave të tij.
“Kam luftuar për marrëdhëniet më të mira, vëllazërore dhe miqësore mes Malit të Zi dhe Serbisë, që të jemi vëllezërit më të afërt, miqtë, dy anëtarët më të afërt të OKB-së, por fatkeqësisht e gjithë kjo nuk mundi të ndodhte”.
Ndryshe, Vladimir Bozhoviç, në nëntor të vitit 2020, ishte shpallur person i padëshirueshëm në Mal të Zi, teksa ishte ambasador i Beogradit në Podogricë.
a.m/dita
Cfardo qe te beje D.Abazovici , mbetet i pa besueshem me poshtersine qe beri , duke firmosur marreveshjen me kishen serbe , ne kundershtim flagarant me interesat e vendit , por edhe te rajonit .
Hajde pune muti , hajde ! Diplomati do te ankohet tek patriarku serb , si instance me e larte , autoritetin e te cilit nuk mund ta kundershtoje Abazovici , simbas marreveshjes skandaloze qe firmosi me te ! Cfar cudira po na degjojne veshet !
abazoviçi që në fillim u duk që ishte koqe gomari por një gjë kam: nga dalin këta budallenj politikan.
apo i zgjedh imperializmi botëror si të përshtatshëm që me zgjuarsinë e tyre mediokre të mbajn të shtypur popujt