Avioni i linjës “WizzAir” në datën 1 janar 2023, me destinacion Londrën, i nisur nga Rinasi, ka bërë …një ndalesë në Greqi (!).
Kjo ka ndodhur pasi në bord ka pasur disa shtetas me pasaportë greke.
Lajmin e bën të ditur gazetari i Arben Manaj, që e ka denoncuar këtë fakt përmes një postimi në rrjetet sociale.
“E pabesueshme! Sot në linjën e Wizzair Tiranë-Londër, avioni në vend që të nisej drejt Londrës, për katër grekë ka fluturuar fillimisht drejt Selanikut, përkundër zemërimit të pasagjerëve!
Kjo ndodh vetëm me pasagjerë shqiptarë!
Shqiptarët që trajtohen si asnjë komb tjetër! Mirë që s’ka pasur ndonjë pasagjer për Ruanda! A ka shtet që i mbron shqiptarët!?! Une e di përgjigjen! Nëse e dini, ma konfirmoni gjithësesi!”, shkruan Manaj i irrituar në rrjetin social Facebook.
Por më pas, komentuesit, kanë nxjerrë edhe itinerarin e lëvizjes së avionit. Dhe siç e evidenton njëri prej tyre, me “FlightRadar24” tregohet fare qartë lëvizja e linjave WizzAir në të gjitha ditët, ku ky fluturim është paraqitur me ngjyrë gri dhe jo me jeshile.
“Mos kanë fluturuar off-record këta, se nuk mund të ketë shpjegim tjetër”, shkruan një prej komentuesve.
j.l./ dita
Ankohu te padronet e botes. Por nuk do sjelli gje sepse nuk e duan Shqiperine.
Ankohu tek appi wizz dhe merri demshperblim nese nuk ta japin nis koreapondencen tek enti evropian dhe albanez.