Avokati i familjes Haklaj, Idajet Beqiri foli për dëshminë në SPAK për rreth 10 orë të Aishe Haklaj dhe padinë e saj për vrasjen e 4 vëllezërve të saj. “Këto dosje kishin mbetur të pluhurosura në Prokurorinë e Tropojës dhe kishin mbetur aty të pezulluara. Politika e kohës i kishte lënë të bllokuara këto dosje, duke mos lejuar hapjen e tyre. Këto dosje të familjes, por edhe të disa dëshmitarëve okularë i kam studiuar. Në këtë dosje përfshihet edhe Izet Haxhia, i cili ka qenë i pranishëm dhe i ka dëgjuar vetë disa gjëra. Pasi SPAK regjistroi këtë denoncim penal nisi të merrej me këtë dosje. Janë 4 persona të familjes Haklaj që kanë paditur dhe ata duhet të paraqiten për të dhënë deklaratat e tyre në SPAK, por këta persona nuk vijnë pasi ata kanë kërkuar azil politik në Suedi. Kur Suedia pyeti këtu se sa persona ishin vrarë nga familja Haklaj pyeti prokurorinë: Sa persona ishin vrarë nga kjo familje dhe sa persona të dënuar kishte për këto? Prokuroria u përgjigj se ishin 14 vrasje dhe asnjë person i dënuar. Aishe Haklaj ishte dëshmitare për vrasjen e Fatmir Haklaj dhe i ka parë vrasësit e vëllait të saj. Pjestarët e tjerë të familjes që ndodhen në Suedi do të dëshmojnë në gjykatën atje. SPAK më kërkoi që të organizoja kallëzimet. Në kushtet që ndodhej e gjithë familja duhet që Aisheja të vinte në një mënyrë të fshehtë për të dëshmuar. Pasi rash dakord me SPAK, i mora të gjitha masat në mënyrë të fshehtë për mbërritjen e saj. Aishe Haklaj ka mbërritur në datën 27 në mbrëmje. Nuk ka pasur djeni askush veç meje dhe SPAK që e mori vesh në 9 të darkës për mbërritjen e saj. Asgjë nuk mbeti sekret, pasi Berisha dhe Meta brenda këtij shteti kanë edhe njerëzit e tyre. Të nesërmen në 8 e çerek unë do të çoja Aishen në SPAK me gjithë mesazhin për prishjen e varrit të vëllait të saj. Pas 2 orësh në SPAK gazetarët e kishin marrë vesh ardhjen e saj për të dëshmuar”, u shpreh për Dritare TV, avokati Beqiri.
Kerko
