Avokati Saimir Vishaj i ka kërkuar falje Jashar Majës, burrit nga Borizana që u dhunua barbarisht bashkë me kushëririn Bilbil Maja nga fisi Rraja, pasi e ofendoi dy ditë më parë në një emision televiziv. Visha i tha Majës se Rrajat po të donin edhe mund ta vrisnin.
“Unë po ta ofroj me zemër, avokati falas për viktimën. Nuk më interesojnë personat nën hetim (Rrajat) se nuk jam avokati i tyre. Po ju them, hajde të të ofroj ndihmë juridike”, u shpreh Saimir Visha.
Të ftuar të dy mbrëmjen e djeshme në emisionin “Drejt” të Luan Ramës, Visha i kërkoi falje Majës nëse e kishte fyer dhe i ofroi mbrojtje falas, ndërsa Maja nga ana tjetër e ekranit e pranoi ndjesën e avokatit.
Të kam ftuar 100 herë, nuk kam interes as te Rrajat e as te Majat. Unë jam avokat, hajde kur të duash, e ke derën time të hapur. Por fyerje të tilla nuk dua se kam 30 vjet në profesion. Të kërkojë ndjesë familjarisht”, u shpreh avokati Visha.
