Autorët e vrasjes së biznesmenit shiqptar, Xhani Topalli kanë dalë përpara drejtësisë dhe kanë dëshmuar ngjarjen pasi kanë pranuar krimin e rëndë.
Hotelieri grek 53-vjeçar dhe i biri 20-vjeçar u lanë në burg pasi akuzohen për vrasje me dashje në bashkëpunim.
20-vjeçari ka dëshmuar të njëjtën histori si i ati ku ka treguar se kur po zhvillohej sherri mes të atit dhe Topallit ai është afruar dhe ka parë litarin në fytin e shqiptarit.
Sipas 53-vjeçarit ai i kishte vendosur litarin për ta neutralizuar Topallin, por ky i fundit ra pa ndjenja në tokë dhe goditi kokën në një gur.
Kur larguan makinën dhe trupin e 46-vjeçarit, i riu grek tregoi se e pyeti të atin nëse do shkonin në spital dhe ky i fundit nuk u përgjigj.
Xhani Topalli, 46-vjeç, baba i tre fëmijëve, rezultonte i zhdukur që prej datës 28 gusht.
Shqiptari kishte takuar një 53-vjeçar, pronar hoteli në Greqi, i cili kishte për t’i shlyer disa detyrime në bazë të një marrëveshje që ato kishin lidhur.
Ai po përpiqej që t’i merrte një borxh prej 30 mijë eurosh biznesmenit grek, i cili e kishte kontraktuar për punë ndërtimi.
Greku në pamundësi për t’i kthyer borxhin shqiptarit, u bë bashkë me dajlin dhe e eliminoi.
Ndërkohë, një grup bashkatdhetarësh dhe familjarë të viktimës janë mbledhur herët jashtë gjykatave dhe me të mbërritur dy të pandehurit kanë sharë duke u kërkuar që të “kalben në burg”.
j.l./ dita
