Themeluesi i partisë së ekstremit të djathtë Fronti Kombëtar Francez, Jean Marie-Le Pen, është shtruar me urgjencë në një qendër mjekësore në Paris dhe ndodhet në gjendje të rëndë. Babai i lideres së ekstremit të djathtë Marine Le Pen, presidente e Grupit Kombëtar, vuante nga një “sëmundje zemre”, sipas ‘Le Point’. Le Pen ishte shtruar në spital më shumë se një vit më parë. Në shkurt 2022, lideri i ekstremit të djathtë pësoi një atak ishemik kalimtar, një goditje që zgjat disa minuta dhe është e ngjashme me një goditje në tru. Mirëpo, pas tejkalimit të këtij problemi, Le Pen nuk ka shfaqur sërish simptoma dhe ka mundur të marrë pjesë në media deri javën e kaluar.
Në moshën 94-vjeçare, Le Pen aktualisht nuk mban asnjë pozicion përgjegjësie. Aktiviteti i tij politik u ndërpre në vitin 2019 pasi dha dorëheqjen nga mandati i tij në Parlamentin Europian.
