Kreu i grupit parlamentar socialist Taulant Balla foli për mediat nga Kryesia e Kuvendit ku u shpreh se nuk komenton dosjen e asnjë personi nën hetim, ndërsa theksoi se korrupsion ka edhe në vende të BE-së.
Taulant Balla tha se Partia Socialiste nuk është avokate e askujt, deklaratë që erdhi pas pyetjeve të gazetarëve për arrestimin e ish-kreut të SHISH Vlora Hysenit.
“Ngjarjet që ndodhin duhen parë si kulmime pozitive të reformës në drejtësi. Korrupsioni ekziston kudo, edhe në Gjermani, Itali, e rëndësishme është që sot kemi institucione drejtësie që sot hetojnë dhe u shkojnë deri në fund hetimet. Ne nuk komentojmë përmbajtjen e dosjeve dhe çdo zyrtar pa imunitet duhet ta konstestojë kufizimin e lirisë në gjykatë. PS dhe grupi parlamentar s’janë avokatë mbrojtës të askujt”.
I pyetur pse nuk kanë këtë standard edhe për Ballukun, Balla tha se “Kuvendi e ka ushtruar të drejtën që i ka dhënë sovrani përmes kushtetutës”.
