Ministri i Brendshëm Taulant Balla ka deklaruar se gjendja shëndetësore e efektivit të repartit “Shqiponja” Edlir Alleshi, që mbeti i plagosur me armë gjatë ndjekjes së një të dyshuari është përmirësuar. Balla tha se autori është identifikuar dhe i bëri thirrje që të dorëzohet.
“Gjendja e efektivit është përmirësuar. Personi është identifikuar, thirrja për të është të dorëzohet”.
Ministri i Brendshëm, Taulant Balla, ka deklaruar se gjendja shëndetësore e efektivit të repartit “Shqiponja” Edlir Alleshi, që mbeti i plagosur me armë gjatë ndjekjes së një të dyshuari, është përmirësuar. Balla e vizitoi te Trauma, teksa tha se autori është identifikuar dhe i bëri thirrje që të dorëzohet. “Gjendja e efektivit është përmirësuar. Personi është identifikuar, thirrja për të është të dorëzohet!”, u shpreh ministri. Ministri thekson se autori do të marrë dënimin maksimal për mos bindje ndaj urdhrit të Policisë për të ndaluar si dhe për plagosjen e efektivit.
“Gjej rastin të falenderoj të gjithë ekipin e spitalit për ndërhyrjen e menjëhershme në sallën e operacionit dhe ashtu si dhe jam njoftuar nga drejtoresha Edlira dhe mjekët rreziku për jetën shpresojmë që të ketë kaluar dhe natyrshëm, sapo është përfunduar faza më e vështirë e operacionit. Por do të vijojë të jetë nën mbikëqyrjen e mjekëve. Një gjë është e sigurt se ky guxim i madh për të goditur me armë një punonjës policie dhe për të mos ju bindur urdhrit të policisë do të marrë një goditje më të madhe nga Policia e Shtetit. Personi është identifikuar, dhe thirrja është që të dorëzohet menjëherë”, tha Balla.
