Kreditë e ristrukturuara nga sektori bankar ishin në nivele të qëndrueshme gjatë gjysmës së parë të këtij viti. Sipas informacionit nga Banka e Shqipërisë, kredia e ristrukturuar gjatë 6-mujorit të parë 2024 ishte rreth dy miliardë lekë. Kjo shumë përbën afërsisht 1% të fluksit të kredisë së re të periudhës dhe rreth 4.2% e stokut të kredive me probleme. Vlera e kredive të ristrukturuara ishte e përafërt me të njëjtën periudhë të vitit të kaluar.
Megjithatë, në një krahasim më afatgjatë, rezulton se fluksi vjetor i kredisë së ristrukturuar është zvogëluar gjatë viteve të fundit. Kështu, vlera e kredisë së ristrukturuar gjatë gjashtëmujorit të parë 2024 është sa 35% e vlerës së kredisë së ristrukturuar në të njëjtin gjashtëmujor të vitit 2021. Portofolet e prekura nga ristrukturimi i kredisë në gjysmën e parë të këtij viti lidhen kryesisht me kreditë në lekë dhe valutë për sektorin e biznesit.
Fakti që ristrukturimet në vitet e fundit kanë pësuar rënie është një tregues se aftësia paguese e huamarrësve në përgjithësi ka qenë më e mirë dhe premisat për rritje të kredive me probleme kanë qenë më të ulëta. Mekanizmi i lehtësimit të ristrukturimeve ka qenë ndër masat që Banka e Shqipërisë ka aplikuar gjatë periudhave me rreziqe të shtuara për rritje të kredive me probleme, siç ishte pandemia. Madje, pas rritjes së shpejtë të normave të interesit në vitin 2022, lehtësimi i ristrukturimeve ishte një nga masat rezervë për tu aplikuar, në rast se sektori financiar do të përballej me një rritje të kredive me probleme. Por, deri tani, aplikimi i masave të posaçme nuk ka rezultuar i nevojshëm.
Sipas të dhënave më të fundit, në korrik raporti i kredive me probleme ishte nivelin 4.7%, në rënie krahasuar me një vit më parë dhe në nivele të përafërta me fundin e vitit të kaluar. Megjithëse stoku i kredive me probleme është rritur gjatë pjesës së parë të vitit, rritja e shpejtë e portofolit të kredisë ka bërë që raporti i kredive të këqija të jetë i qëndrueshëm.
Kuadri i Bankës së Shqipërisë për administrimin e rrezikut të kredisë së bankave parashikon që, në rast se një kredi ristrukturohet, ajo duhet të klasifikohet automatikisht si kredi me probleme, edhe në rastet kur ajo është shlyer rregullisht deri në momentin e ristrukturimit. Rregullorja kërkon që në vazhdim kredia e ristrukturuar duhet të mbajë statusin e kredisë me probleme për të paktën gjashtë muaj, kohë gjatë të cilës duhet provuar se huamarrësi ka qenë në gjendje të shlyejë rregullisht pagesat pas ristrukturimit./Monitor
Zj.dita .
Me vjen keq por qe keto artikuj mbi aktivitetin e bankes jane jo te sinqerta.
E para e punes jo c’do lexues eshte I interesuar.
E dyta ,edhe ata individe tregetare a kreditore qe kane lidhe me bankat nuk jane te nivelit te kuptojne mekanizmat.
Kjo eshte thjesh nje show per te treguar qe ekonomia e shqiperise ecen pozitive.
Me nje fuqi punetore te pergjysmuar cila matematike llogarit rritje dhe aq me shume rreth $ 10,000 per person ne vit sic thote Edi Rama.
Ne se politika ,pra Diktatori Rama fut thonjte e qelbur ne Bankat ,ky shtet ka mare fund si egzistence.
Mbaje shenim kete.