Mediet spanjolle raportojnë se Barcelona tashmë e ka mbyllur marrëveshjen me Ilkay Gundfogan. Turkogjermani mësohet se i ka përfunduar testet mjekësore në Gjermani e tashmë pritet të udhëtojë drejt Barcelonës.
Rezultatet e testeve mjekësore tani do t’i dërgohen klubit i cili duhet t’i analizojë përpara se të ndezë dritën jeshile për mbylljen e operacionit.
Ndërkohë, AS zbulon disa detaje të kontratës: Gundogan ka firmosur për tre vjet. Megjithatë ka raportime të tjera që sugjerojnë se sezoni i tretë do të jetë opsional. Gundogan do të ketë një klauzolë lirimi me vlerë 500 milionë euro.
Ashtu si verën e kaluar, me nënshkrimet e Robert Lewandowskit dhe Jules Kounde, Xavi besohet se ka luajtur një rol kyç për të bindur mesfushorin, që refuzoi zgjatjen e bashkëpunimit me Manchester City-n.
