Ukraina mori një këst të ri prej 2.5 miliardë euro (2.57 miliardë dollarë) të ndihmës makro-financiare nga Bashkimi Evropian të martën, tha ministri i Financave Serhiy Marchenko dhe presidentja e Komisionit Europian Ursula von der Leyen.
“Shuma totale e ndihmës makro-financiare e dhënë Ukrainës nga 24 shkurti nga BE-ja arrin në 6.7 miliardë euro”, shkroi Marchenko në Twitter, raporton Reuters.
Kryeministri Denys Shmyhal shkroi në Twitter se ndihma ishte “një hap tjetër solidariteti” dhe shprehu mirënjohjen për liderët e BE-së.
Gjithashtu edhe Presidentja e Komisionit Europian Ursula von der Leyen, ka postuar në Twitter ku ka ofruar 2.5 miliardë euro shtesë për Ukrainën.
“Komisioni Europian ka ofruar 2.5 miliardë euro shtesë për Ukrainën. Ne po planifikojmë të miratojmë edhe 18 miliardë euro për vitin 2023, për rindërtimin e shpejtë të Ukrainës. Ne do të vazhdojmë të mbështesim Ukrainën për aq kohë sa të jetë e nevojshme”, ka shkruar Ursula.
a.m/dita
Lufta do mbaroje kur mos te ndihmohet me Rusia po nga Europa e shpifur.