BE-ja ka pezulluar mbështetjen financiare për Serbinë për shkak të politikës së Beogradit ndaj sistemit gjyqësor. Sipas Marta Kos, fondet do të mbeten të bllokuara derisa autoritetet në Beograd të adresojnë problemet e identifikuara në gjyqësor.
“Në këtë pikë, ne kemi pezulluar të gjitha pagesat [për Serbinë] sipas planit të zhvillimit, sepse po shohim përsëri një regres në sistemin e drejtësisë. Derisa kjo të korrigjohet, vendi nuk do të jetë në gjendje të marrë mbështetje financiare nga BE-ja”, tha Kos në një konferencë për shtyp.
Marta Kos shprehu shqetësim për miratimin e ligjeve që minojnë pavarësinë gjyqësore, si dhe shtypjen e protestuesve dhe presionin mbi median e pavarur. Brukseli thekson nevojën për respektim të rreptë të standardeve evropiane për të vazhduar bashkëpunimin financiar.
Politico raportoi më parë këtë muaj, se BE po shqyrtonte ndërprerjen e 1.5 miliardë eurove në financim për Serbinë për shkak të lidhjeve të ngushta të Beogradit me Rusinë.
j.l./ dita
Po hyr mik per Beogradin,o Pashic!Ta mirekuptojne per shkak te lidhjeve tradicionale me Rusine. Se nuk i dijne ATA,Jane tape fare.