27 liderët e vendeve të Bashkimit Evropian, firmosën një deklaratë të përbashkët të enjten për rindërtimin e plotë të Ukrainës. Kjo deklaratë vjen një ditë para mbushjes 1 vit nga pushtimi i Ukrainës nga Rusia.
“Ne do të mbështesim gjithashtu rindërtimin e Ukrainës, për të cilën do të përpiqemi të përdorim asetet e ngrira dhe të palëvizura ruse në përputhje me ligjin e BE-së dhe ndërkombëtar. Ne do të rrisim më tej presionin kolektiv ndaj Rusisë për t’i dhënë fund luftës së saj të agresionit. Për këtë qëllim ne do të miratojmë një paketë të dhjetë të sanksioneve dhe do të ndërmarrim hapa kundër atyre që përpiqen të anashkalojnë masat e BE-së”, thuhet në deklaratë.
