I pyetur gjatë një interviste në Televizionin Publik Shqiptar për kreun e ri të SHISH, presidenti Bajram Begaj tha se nuk kanë ardhur propozime konkrete, por në drejtim të këtij institucioni duhet të jetë një njeri me integritet dhe profesionist.
Presidenti Begaj konfirmoi gjithashtu se është në konsultime me kryeministrin për emrin e drejtuesit të ri të Shërbimit Informativ.
Kreu i Shtetit komentoi edhe dekretimin për emërimin e ambasadorëve të rinj në vendin tonë.
Ai u shpreh se përzgjedhja e kandidatëve më të mirë do të bëhet sipas ligjit. I pyetur se sa do të zgjasë në kohë, Begaj u shpreh se mund të zgjasë më pak se 6 muaj.
