Belind Këlliçi është gati të shpalosë kandidaturën për kreun e Bashkisë së Tiranës, Këlliçi pritet të dorëzojë kandidaturën pasdite e sotme, pas kësaj, ai do t’i nënshtrohet proçesit të primareve, shkruan Euronews.
Procesi i primareve për Tiranën, Durrësin dhe Elbasanin do të përmbyllet brenda muajit nëntor, në mënyrë që të evidentojnë kandidatët më shpejt.
Ndërsa për bashkitë e tjera, primaret do të mbahen në 4 dhjetor, marrëdhënia mes Këlliçit dhe aleatit kryesor të Berishës janë shumë të mira.
Kur Ilir Meta ishte President dhe Këlliçi deputet, në oborrin e selisë blu po protestohej brenda llojit. Ai kundër Bashës e Meta në cepin tjetër të Bulevardit “Dëshmorët e Kombit”.
Pak minuta para marrëveshjes zyrtare PD- PL, Ilir Meta shkoi në zyrën e Berishës për t’i thënë se ai ka rënë në paqe me primaret e doktorit.
Meta më vonë tha se PL nuk kishte një emër nga të vetët për Tiranën. Por nuk tha nëse ai kishte një emër preferencial nga të PD-së. Meta deri diku e lëshoi shashkën se ai i kishte propozuar Berishës një emër për Tiranën ‘një super politikan”, por e spërdrodhi idenë se ishte për kreun e “kuvendit” të Bashkisë.
Thënë shkoqur për një burokrat që do të drejtonte këshillin bashkiak të Tiranës. Meta e ka një emër të parapëlqyer, për më shumë se aq, (vetë Tiranën), Belind Këlliçin.
Një person marrëdhëniet me të cilin në gjithë harkun kohor një vjeçar kanë qenë të paqta në mos ndërmjetësi i mesazheve politike tek PD-ja kur Meta i shihte nga zyra e Presidencës.
“E përgëzoj kandidatin Belind Këlliçi për kapjen në flagrancë të ’rilindasve’ të Vaqarrit, me ushqime dhe zarfa elektorale”, shkruante Ilir Meta në fushatën e zgjedhjeve të 2021-it.
Këlliçi gjithashtu nuk mbeti pas. Në muajin korrik, pak para se të linte zyrën e Presidentit, Këlliçi tha se Ilir Meta ishte një politikan “race” një “aset” në politike dhe se ishte i mirëpritur të zbriste në ring bashkë me Berishën kundër Ramës.
Me po aq siguri ai foli edhe kur u pyet nga media nëse Ilir Meta do t’i bashkohej protestës së fundit të thirrur nga Partia Demokratike. / Euronews
j.l./ dita
