Policia e Cërrikut ka arritur të vërë në pranga tre personat e dyshuar për vjedhjen e tre banesave të ndryshme në Belsh, ku dhe kanë marrë rreth 4 milionë lekë të rinj, si dhe pajisje të ndryshme.
Pas kallëzimeve të marra, policia e Cërrikut në bashkëpunim me shërbimet e Forcës së Posaçme “Shqiponja” të Elbasanit, arrestuan 22-vjeçarin A.K., 40-vjeçarin E.M., dhe 49-vjeçarin L.N..
“Policia bën me dije se “Si rezultat i operacionit u zbardhën 3 vjedhje për të cilat, në bashkëpunim me shërbimet e Forcës së Posaçme “Shqiponja” të DVP Elbasan, u kapën dhe u arrestuan shtetasit: A. K., 22 vjeç, banues në Belsh, si dhe E. M., 40 vjeç dhe L. N., 49 vjeç, të dy banues në Lushnjë”, thuhet në njoftimin e policisë.
Nga veprimet hetimore dyshohet se këta shtetas, në bashkëpunim me njëri-tjetrin, janë autorë të vjedhjeve në 3 banesa të ndryshme, konkretisht:
-Më datë 14.05.2023, kanë vjedhur 2 000 000 lekë të rinj, në banesën e shtetasit E. I.
-Më datë 07.06.2023, kanë vjedhur 13 000 euro dhe 6 000 dollarë, në banesën e shtetasit O. B.
-Më datë 01.06.2023, kanë vjedhur dyert dhe dritaret e banesës së shtetasit Y. T”.
p.k\dita
