Sylvinho ka zgjedhur që skuadra kombëtare e Shqipërisë të stërvitet sot në “Air Albania”, për t’u përshtatur me fushën në lidhje me ndeshjen ndaj Moldavisë (17 qershor).
Deri tani, vetëm dy lojtarë nuk kanë zbritur në fushë. Berat Gjimshiti, i cili është shtuar me vajzë, duke u bërë baba për herë të dytë. Mbrojtësi ka fluturuar drejt Italisë pasi i ka marrë leje trajnerit Sylvinho. Dhe nesër (e premte) do t’i bashkohet skuadrës në stërvitje.
Mungesa e dytë është ajo e Frederic Veselit, i cili ka marrë një goditje në shpatull në stërvitjen e së martës. Stafi ka vendosur të mos rrezikojë, duke e lënë sot pushim.
Deri në mbrëmje pritet që numri i biletave të shitura për takimin ndaj Moldavisë të shkojë në 13 mijë. Kuqezinjtë luajnë dy sfidat e radhës së fazës eliminatore të Euro 2024, sipas “Supersport”.
Ndaj Moldavisë në “Air Albania (17 qershor, 20:45) dhe tri ditë më vonë në transfertë përballë Ishujve Faroe. Në po të njëjtin orar.
