Shpresa se SHBA do tja heqë njollën e “non grata” vijon të jetë gjallë për liderin e opozitës Sali Berisha.
Madje ai ka deliruar akoma më shumë, teksa gjatë një interviste televizive ka pretenduar që SHBA-të t’i kërkojnë falje për këtë njollë që i kanë vënë.
Sipas Berishës, ky vendim i SHBA-ve ishte përgatitur që në vitin 2018-2019. Berisha shkon më tej me hamendësimet dhe shpjegimet e tij duke u shprehur se shpallja “non grata” erdhi pas refuzimit të tij për të formuar një koalicion me Partinë Socialiste.
“Unë e di që arroganca e atyre që kanë firmosur për non gratën time nuk lejon të kërkosh të falur, por unë kërkoj të më kërkojnë të falur. Unë kam durim,” – u shpreh Berisha.
m.b./dita
