Kreu i PD, Sali Berisha kërkon t’i ikë përgjegjësisë për financimet ruse, një nga akuzat që mazhoranca i ka drejtuar selisë blu.
Për këtë arsye, mësohet se Berisha ka nisur testimin e grupit të Rithemelimit, duke u shpërndarë deputetëve të tij një pyetsor ku kërkohet të mësohet mbi lidhjet me veprimet e ndërmarra gjatë vitit 2017, kur shpërtheu skandali i financimit me para ruse të partisë së drejtuar atë kohë nga Lulzim Basha.
Deputetëve të PD u kërkohet të përgjigjen në lidhje me qëndrimet që kanë mbajtur dhe nëse ata janë njohur me raportet financiare të Partisë Demokratike, kryesisht gjatë vitit zgjedhor 2017.
Janë 8 pyetje ku deputetëve të PSD u kërkohet të japin të dhëna sa i takon udhëzimeve që kanë marrë për shpenzimet që do të bënin si gjatë fushatës së 2027 dhe më pas gjatë periudhës kur PD pati konfliktin duke djegur mandatet.
Përmes këtyre pyetje dhe në varësi të përgjigjeve të deputetëve, komisioni i drejtuar nga Ledina Mandija synon të dalë në përfundim nëse akuzat për financime ruse dhe lidhjet e dyshimta i drejtohen personalisht Bashës dhe personave të lidhur me të apo mund të përfshijnë PD në tërësi. m.b./dita
