Sot protesta e Berishës, “blindohet” Kryeministria, hiqet edhe kërpudha e famshme

Deputeti non grata Sali Berisha ka thirrur protestë për ditën e sotme, ndërkohë që në Kryeministri po merren masat.

Kryeministria është “blinduar” dhe dera kryesore e godinës së qeverisë po vishet me mbrojtëse metalike. Kjo masë është marrë në të gjitha protestat e thirrura nga opozita.

Më herët, sot u hoq edhe kërpudha që ndodhet para Kryeministrisë, për të shmangur kështu dëmtimin e saj, pasi në të kaluarat është shënjestruar.

Në bulevardin “Dëshmorët e Kombit”, rrugën “Xhorxh Bush” dhe pjesërisht në bulevardin “Zhan Dark” do të kufizohet qarkullimi rrugor për automjetet prej orës 16:00.

Ndërkaq, protesta e ditës së sotme do të nisë në orën 19:00. “Shqipëria në rrezik”, është slogani i saj. Ish-kryeministri Sali Berisha tha sot se protesta do të jetë masive dhe se skenarët janë të qartë, teksa u pyet nga gazetarët nëse do të tentohet hyrja në Kryeministri.

a.m/dita