Presidenti Joe Biden tha se SHBA “dënon fuqishëm” sulmet me raketa ruse në qytetet e Ukrainës.
Sipas The Guardian në një deklaratë, Biden tha se këto sulme demonstrojnë “brutalitetin e madh” të Vladimir Putin kundër popullit ukrainas.:
Këto sulme vranë dhe plagosën civilë dhe shkatërruan objektiva pa qëllime ushtarake. Ata demonstrojnë edhe një herë brutalitetin e luftës së paligjshme të zotit Putin ndaj popullit ukrainas.
Ne shprehim ngushëllimet tona për familjet dhe të dashurit e atyre që u vranë pa kuptim sot, si dhe urimet tona më të mira për shërimin e të plagosurve.
Sulmet e sotme vetëm sa e përforcojnë më tej angazhimin e SHBA-së për të qëndruar me popullin e Ukrainës “për aq kohë sa duhet”, vazhdoi Biden.
Ne do të vazhdojmë t’i imponojmë Rusisë kosto për agresionin e saj, do të mbajmë Putinin dhe Rusinë përgjegjës për mizoritë dhe krimet e saj të luftës dhe do të ofrojmë mbështetjen e nevojshme për forcat ukrainase për të mbrojtur vendin dhe lirinë e tyre.
a.m/dita
