Presidenti amerikan, Joe Biden, po vijon turin e tij në Lindjen e Mesme, në kërkim të rritjes së furnizimeve me naftë në tregjet globale dhe të sigurisë në rajon.
Kreu i Shtëpisë së Bardhë, pas Izraelit dhe Palestinës, po viziton dhe Arabinë Saudite. Biden u prit nga Princi i Kurorës Saudite, Mohmmed bin Salman, me të cilin u përshëndet duke prekur grushtin. Presidenti amerikan është kritikuar ashpër për këtë vizitë të tij, pasi gjatë fushatës ka premtuar ta dënojë Princin e Kurorës, të cilin e ka akuzuar për përfshirje në vrasjen e opinionistit Xhamal Kashogi. Por, Biden është mbrojtur duke theksuar se nuk dëshiron që të prishë raportet me Mbretërinë Saudite.
Në këtë vizitë, kreu i Shtëpisë së Bardhë po kërkon të përmbushë dy synime: të bindë sauditët të pompojnë më shumë naftë për të zbutur krizën e shkaktuar nga lufta e Rusisë në Ukrainë dhe të bindë Riadin të normalizojë raportet me Izraelin, duke krijuar një koalicion kundër Iranit, bashkë me vende të tjera të rajonit.
Madje, CNN raporton se kjo mund të jetë një përpjekje për të ndërtuar NATO-n e Lindjes së Mesme, pra një aleancë ushtarake që t’i kundërvihet ndikimit të Teheranit dhe programit të tij bërthamor.
Fuqia e parase….me e madhe se fuqia e moralit. Amerikanet kane demostruar se nuk jane aspak fanatike te parimeve demokratike. Biles, ata jane tallur me ata njerez qe kane thene se “bar hamë dhe parimet nuk i shkelim”