Që prej fillimit të luftës në Ukrainë, Presidenti Joe Biden dhe homologu i tij ukrainas Volodymyr Zelenskyi, bisedojnë në telefon sa herë që SHBA shpall një paketë të re ndihme ushtarake për Kievin.
Por një telefonatë mes dy liderëve në qershor ka qenë ndryshe nga ato të mëparshme.
Pasi Biden i tha Zelenskyt që kishte miratuar një ndihmë prej 1 miliardë dollarë për Ukrainën, Presidenti ukrainas filloi të listonte të gjithë ndihmën shtesë që i nevojitej dhe nuk po merrte.
Më pas, Biden e humbi qetësinë duke ngritur zërin, se “populli amerikan ka qenë mjaft bujar dhe administrata e tyre dhe ushtria amerikane kanë punuar shumë për të ndihmuar Ukrainën”, duke shtuar se me këto të dhëna, Zelensky “mund të tregojë pak më shumë mirënjohje”.
Zyrtarët e administratës amerikane thanë se marrëdhënia midis Biden dhe Zelensky u përmirësua pas telefonatës së qershorit, pas së cilës Zelensky lëshoi një deklaratë duke lavdëruar SHBA-në për ndihmën e saj bujare. Megjithatë, sipas NBC, kjo “përplasje” pasqyron realizimin e hershëm të Biden se mbështetja e Kongresit dhe ajo publike për dërgimin e miliarda dollarëve në Ukrainë mund të fillojë të zbehet.
Sot, Biden përballet me rezistencë nga disa republikanë dhe demokratë që nuk ekzistonin kur Kongresi miratoi fondet e mëparshme për Ukrainën. E gjithë kjo, ndërkohë që Shtëpia e Bardhë ka diskutuar mundësinë për t’i kërkuar Kongresit miliarda dollarë shtesë gjatë periudhës legjislative pas zgjedhjeve afatmesme.
Shtëpia e Bardhë nuk e ka specifikuar publikisht shumën. Ligjvënësit dhe lobistët ukrainas shpresojnë për 40 deri në 60 miliardë dollarë, ndërsa disa zyrtarë të njohur me diskutimet presin që shifra të jetë rreth 50 miliardë dollarë.
Një zëdhënës i Këshillit të Sigurisë Kombëtare të SHBA-së nuk pranoi të komentojë përmbajtjen e diskutimit të qershorit, ndërsa pala e Zelensky nuk komentoi.
a.m/dita
Biden Pampersi dhe te tjere Kongreslesh jane mire, nuk e ndjejne aspak krizen e rritjes se cmimeve ne produkte dhe sherbime qe ka krijuar lufta ne Ukraine, ka nje rregull te pashkruar gazhda sa here goditet poshte shkon, pra ne byth e kane qytetaret e thjeshte taksapagues amerikane.
Miliardat e ndihmave qe jepen perkeqesojne nivelin e jetes se qytetareve dhe Amerika cdo dite e me shume ze vendin e pare ne rritjen e numrit te homeless.
Po nqs nuk e ndihmon fare por fare fare cfare do te beje Europa kurva qe tallet me emigrantet .