Një ngjarje e rëndë ndodhi në orët e paradites së enjte në Shkodër. Një punonjës i Sektorit të Ndriçimit ka ndërruar jetë, pasi ka rënë në kontakt me rrymën elektrike. Ngjarja ka ndodhur rreth orës 10:05, në lagjen ‘Qemal Stafa’ dhe është cilësuar aksidentale. Nga hetimet paraprake bëhet me dije se gjatë kohës që ka qenë duke punuar për riparimin e ndriçuesve të rrugës, ka rënë në kontakt me rrymën elektrike, në rrethana ende të paqarta dhe për pasojë ka humbur jetën.
Grupi hetimor vijon veprimet për sqarimin e rrethanave të këtij rasti, për të verifikuar përse rrjeti kishte rrymë elektrike gjatë kohës së riparimit të defektit nga i ndjeri dhe nëse janë zbatuar kushtet e sigurisë në punë.
