Një person ka humbur jetën në Sarandë pasi është rrëzuar nga lartësia e një pallati.
Mësohet se 50-vjeçari Edmond Kapo ishte duke punuar në pallatin ku po ndërtohej dhe dyshohet se është rrëzuar aksidentalisht ku për pasojë ka humbur jetën.
50-vjeçari nuk ia ka dalë t’i mbijetojë plagëve të marra dhe ka humbur jetën në vendngjarje.
Njoftimi i Policisë:
Rreth orës 11:30, në lagjen nr.1, Sarandë, shtetasi E. K., rreth 50 vjeç, duke punuar në një pallat në ndërtim, dyshohet se ka rënë aksidentalisht nga lartësia dhe si pasojë e dëmtimeve të marra, ka ndërruar jetë në vendngjarje.
Grupi hetimor vijon veprimet në vendin e ngjarjes, me qëllim dokumentimin e plotë ligjor të rrethanave të kësaj ngjarjeje.
j.l./ dita
